Бүгін Астана мен тағы 5 қалада ауа сапасы нашарлайды
06:30, 22 Тамыз 2023
АСТАНА. ҚазАқпарат – 22 тамыз күні Қазақстан аумағының басым бөлігінде қолайлы метеорологиялық жағдай сақталады, деп хабарлайды ҚазАқпарат.
«Қазгидромет» РМК баспасөз қызметі таратқан мәліметке сүйенсек, сейсенбі күні Ақтау, Алматы, Астана, Өскемен, Риддер және Атырау қалаларында ауа сапасы ластанады.
Өзге шаһарларда метеоахуал норма шегінде болады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.