НҰР-CҰЛТАН. ҚазАқпарат - Бүгін Шымкент қаласында бокстан Қазақстан біріншілігі жалауын көтереді, деп хабарлайды ҚазАқпарат тілшісі.
Ел біріншілігі жігіттер мен қыздар арасында өткізіледі. Жарыс 23-29 қараша күндері аралығында болады. Алғашқы төрт күнде былғары қолғап шеберлері іріктеу айналымында жекпе-жекке шығады. Ал 27 қарашада 1/4 финал ойындары болса, боксшылар 28 қарашада жартылай финалда кездеседі. Жеңімпаздар 29 қараша күні анықталады.
Айта кетерлігі, жігіттер арасында 10 салмақта жүлделер сарапқа салынады. Олардың арасында Олимпиада бағдарламасына енгізілмеген 49 және 60 келідегі салмақ дәрежелері бар. Жігіттер арасында Олимпиада жолдамасына ие болған 8 боксшы сынға түседі.
Ал қыздар арасындағы бәсекеде еліміздің әр өңірінен келген 115 спортшы бақ сынайды. Қыздар арасында да Олимпиадаға баратын үздіктер бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.