Бүгін елорданың сауда орталықтарында жеңілдіктер қарастырылып отыр

АСТАНА. 7 наурыз. ҚазАқпарат - Бүгін елорданың «Хан Шатыр» сауда ойын-сауық орталығында 8 наурыз -Халықаралық әйелдер күніне арналған «Super Mama» бірегей іс-шарасы өтеді.

Бұл туралы astana.kz сайтына Астана қаласы әкімі аппаратының Кәсіпкерлік және өнеркәсіп басқармасынан мәлім етті.

Іс-шараны ұйымдастырушылардың айтуынша, үздік ана атануы үшін 10 әйел қатысты. Олар: «Таныстыру», «Таланттар байқау» және «Үй тапсырмасы» аталымдары бойынша бақ сынайтын болады.

Барлық қатысушыларға тамаша жүлделер тігілген. Іс-шара 18.00-де басталады. Кіру еркін.

Айта кету керек, «Азия Парк» сауда ойын-сауық орталығында да Халықаралық әйелдер күні мерекесіне орай 1-і мен 9 наурыз аралығында 80 пайызға дейін «Жеңілдіктер фестивалі» өтеді.