АСТАНА. ҚазАқпарат - Бүгін футболдан Қазақстан кубогы ширек финалының алғашқы ойыны өткізіледі, деп хабарлайды ҚазАқпарат тілшісі.
Жарыстың аталған сатысында 19:00-де «Тобыл» (Қостанай) мен «Шахтер» (Қарағанды), «Қайрат» (Алматы) мен «Ақтөбе» командалары кездеседі.
Ал 21:00-де «Астана» мен «Тұран» (Түркістан), «Ордабасы» (Шымкент) мен «Қызылжар» (Петропавл) шеберлік байқасады.
Қарымта ойындар 7 маусымға белгіленген. Жартылай финал 28 маусым мен 8 шілдеде ойналады. Финал 4 қарашаға белгіленген.
Еске салсақ, бұдан бұрын «Мақтаарал» футбол клубының бас бапкері қызметінен кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.