АСТАНА. ҚазАқпарат - Бүгін, 19 қазанда футболдан Қазақстан кубогының жартылай финалы өтеді, деп хабарлайды ҚазАқпарат тілшісі.
Жартылай финалда «Ақжайық» (Орал) мен «Тараз» (16:00), «Астана» мен «Ордабасы» (19:00) командалары кездеседі.
Финалға жолдама бір ғана ойынның нәтижесімен беріледі.
Жартылай финал ойындары ПФЛК-ТВ телеарнасы арқылы тікелей эфирде көрсетіледі.
Қазақстан кубогы ойындары 6 сәуірден басталды. Ол 12 қарашада мәресіне жетеді.
Аталған турнир 1992 жылдан бері тұрақты өткізіліп келеді.
Бұған дейін Алматының «Қайраты» 10 мәрте кубокты төбесіне көтерді. Барлығы 15 команда кубок иегері атанды.
Еске салсақ, бұдан бұрын футболдан бірінші лигада «Қайсар» қарсыласын ірі есеппен жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.