01:42, 04 Қыркүйек 2022

Бүгін футболдан Премьер-лига командалары арасындағы ел біріншілігінің 18-туры басталады

НҰР-СҰЛТАН. ҚазАқпарат - Бүгін, 4 қыркүйекте футболдан Премьер-лига командалары арасындағы ел біріншілігінің 18-туры басталады, деп хабарлайды ҚазАқпарат тілшісі.

Аталған тур 4 және 5 қыркүйек күндері өткізіледі. Алдымен 4 қыркүйекте төрт ойын болса, 5 қыркүйекте қалған үш кездесу белгіленген.

Алғашқы екі кездесуде 16:00-де «Шахтер» (Қарағанды) мен «Тараз» жасыл алаңға шықса, 18:00-де «Атырау» мен «Каспий» (Ақтау) командалары шеберлік байқасады.

Одан кейін 20:00-де «Ақсу» (Павлодар облысы) мен «Мақтарал» (Түркістан облысы), «Ордабасы» (Шымкент) мен «Тұран» (Түркістан) командалары кездеседі.

Ал 5 қыркүйекте 19:00-де «Қайрат» (Алматы) пен «Тобыл» (Қостанай) ойыны басталса, 20:00-де «Ақтөбе» мен «Қызылжар» (Петропавл) жасыл алаңға шығады.

Аталған турды 21:00-де «Астана» (Нұр-Сұлтан) мен «Ақжайық» (Орал) ойыны түйіндейді.

Ойындар «Qazsport» және ПФЛК-ТВ арқылы тікелей эфирде көрсетіледі.

Қазір турнир кестесінде «Ақтөбе», «Астана», «Тобыл» командалары алғашқы үштікте келеді.

Еске салсақ, бұдан бұрын футболдан бірінші лигада «Оқжетпес» пен «Қайсар» тең түсті.

Спорт Футбол

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.