НҰР-СҰЛТАН. ҚазАқпарат - Шайбалы хоккейден әлем чемпионатында топ-дивизионда Қазақстан құрамасы бүгін, 23 мамырда кезекті ойынын Италияға қарсы өткізеді, деп хабарлайды ҚазАқпарат тілшісі.
Кездесу елорда уақытымен 19:20-де басталып, «Qazsport» телеранасы арқылы тікелей эфирде көрсетіледі.
Еске салсақ, бұдан бұрын қазақстандық хоккейшілер Дания, Франция, Швейцария, Канада, Словакия және Германия құрамаларынан жеңілді. https://lenta.inform.kz/kz/shaybaly-hokkeyden-alem-chempionatynda-kazakstan-germaniyadan-zhenildi_a3935778
Әзірге Қазақстанның қоржынында ұпай жоқ. Турнир кестесінде көш соңында тұр.
Небәрі 1 ұпай еншілеген Италия турнир кестесінде жетінші орында келеді.
Екі құрама бұған дейін 8 мәрте кездесті. Оның 5-уі Қазақстанның жеңісімен аяқталса, қалғанында италиялық құрама басым түсті.
Былтыр әлем чемпионатында қазақстандық хоккейшілер аталған қарсыласын 11:3 есебімен тізе бүктірген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.