10:46, 17 Сәуір 2009
Бүгін - өрт сөндірушілердің кәсіби мерекесі
АСТАНА. Сәуірдің 17-сі. ҚазАқпарат – Бүгін - Қазақстан Республикасының Өртке қарсы қызмет күні. 1918 жылы сәуірдің 17-сінде кеңестік республикаларда «Өртпен күресудің мемлекеттік шараларын ұйымдастыру туралы» декретке қол қойылды.
Бұл күн Қазақстан Республикасында және бұрынғы КСРО республикаларында өртке қарсы қызметтің ұйымдастырылған күні ретінде атап өту дәстүрге айналған. Бүгінгі таңда елімізде аталмыш қызметтің құрамында 13 мыңға жуық адам қызмет етеді. Өрт бөлімшелері 3 мыңға жуық негізгі және арнайы өрт машиналарымен және басқа да өрт сөндіретін құрал-жабдықтармен жарақталған.