Қазақстан теннисшісі Михаил Кукушкин біліктілік сайысының бірінші айналымында 22 жастағы беларусь спортшысы Владимир Игнатикпен кортқа шығады. 25 жастағы қазақстандық ATP рейтингісінде 223-орынға ие. Игнатик болса, 154-орынға жайғасқан. Бұл спортшылар бұрындары ешбір турнирде жолдары түйісіп көрмеген.
Қазақстанның екінші ракеткасы Андрей Голубев 24 жасар канадалық Питер Поланскимен кездесу өткізеді. ATP рейтингісінде Полански 212-орында тұр, ал жақында 17 сатыға жоғарылаған қазақстандық теннисші - 178-ші орында.
Матч 21 мамыр күні Астана уақыты бойынша 16:40 сағатта басталады.