Бүгінгі Астана - Түркістан рейсі 15 сағатқа кешігіп ұшады

АСТАНА. ҚазАқпарат - FlyArystan 29 шілде түнгі 00:55-те ұшуға тиіс КC7362 Түркістан - Астана рейсі өндірістік қажеттілікке байланысты кешіккенін еске салды, деп хабарлайды ҚазАқпарат.

Рейс Түркістан қаласының жергілікті уақыты бойынша 29 шілде сағат 16:30-да ұшады деп жоспарланып отыр.

«Жолаушылардан түсіністікпен қарауды сұраймыз және ұшу қауіпсіздігі біздің басты приоритетіміз екенін еске саламыз» деп түсіндірді компаниядан.

Рейс жолаушыларына мынадай көмек бар:

- Екі сағаттан артық кешіккен кезде:

жолаушылар алкогольсіз сусын, сондай-ақ бес минуттан аспайтын екі телефон қоңырауын немесе екі электрондық пошта хабарламасын сұрай алады.

- Төрт сағаттан артық кешіккенде ыстық тамақ ұсынылады.

- Бес сағаттан артық кешіккенде бір рет тегін әуебилеттің уақытын өзгерту мүмкіндігі ұсынылады.

- Бес сағаттан артық кешіккенде қайта брондау мүмкін болмаса, жолаушылар билет құнын толық қайтарып ала алады.

- Күндізгі уақытта 8 сағаттан артық және түнде 6 сағаттан артық кідіріс болса, жолаушыларға қоныстануға, сондай-ақ қоныстану жеріне дейін және кері қарай трансфер қарастырылады.

Аталған мәселе бойынша жолаушылардан FlyArystan өкілдеріне хабарласу керек.