Бүгін бір палаталы Парламенттің атауы мен өкілеттіктері талқыланады

АСТАНА. KAZINFORM — Бүгін Мемлекеттік кеңесші Ерлан Кариннің төрағалығымен Парламенттік реформа мәселелері жөніндегі Жұмыс тобының кезекті отырысы өтеді.

- Отырыстың күн тәртібінде бірқатар өзекті мәселелерді, оның ішінде болашақ бірпалаталы Парламенттің атауы мен өкілеттіктерін талқылау жоспарланып отыр, - деп мәлімдеді Парламентаризм институтынан.

Еске сала кетейік, бұған дейін өткен отырыстарда депутаттарға қойылатын біліктілік талаптары, оларды сайлау тәртібі, квоталау мәселелері, сондай-ақ болашақ бірпалаталы Парламенттің заң шығару қызметінің негізгі қырлары қаралған болатын.