Екі қалада метеорологиялық жағдай жайсыз болады
07:45, 11 Сәуір 2024
АСТАНА. KAZINFORM - 11 сәуірде еліміздің басым бөлігінде метеорологиялық жағдай қолайлы болады, деп хабарлады «Қазгидромет» РМК.
Синоптиктердің болжамынша, тек Алматы қаласында және түнде Атырау қаласында ауа сапасы біршама нашарлайды.
Қолайсыз метеорологиялық жағдай – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.