Бүгін футболдан Бірінші лигада ХХІІІ тур ойындары өтеді

АСТАНА. KAZINFORM - Аталған тур ойындары 2-3 қазан күндеріне белгіленген.Бүгін, 2 қазанда «Ақтөбе-2» (Павлодар) мен «Түркістан», «Екібастұз» (Павлодар облысы) бен «SD Family» (Астана), AKAS (Алматы) пен «Академия Оңтүстік» (Шымкент шеберлік байқасады.

Ал 3 қазанда «Шахтер» (Қарағанды) мен «Тараз», «Қайрат-2» (Алматы) мен «Каспий» (Ақтау), «Жетісай» (Түркістан облысы) «Алтай» (Өскемен), «Ертіс» (Павлодар облысы) бен «Хан тәңірі» (Алматы) шеберлік байқасады.

Турнир кестесінде алғашқы үш орынға ие болған командалар алдағы жылы Премьер-лигаға қатысу үшін тікелей жолдамаға қол жеткізеді. Биыл «Шахтер», «Ертіс», «Алтай», «Каспий» командалары үздіктер қатарында болады деп болжанып отыр.

Жиырма үш турдан кейін «Каспий», «Ертіс», «Алтай», «Шахтер» командалары алғашқы орындарды өзара бөлісіп тұр.

Еске салсақ, бұдан бұрын футболдан Бірінші лигада «Ертіс» қарсыласын ірі есеппен жеңді.