АСТАНА. KAZINFORM — Бүгін, 17 маусымда Швейцарияның Ньон қаласында футболдан 2025/26 жылғы еурокубок ойындарының жеребесі тартылады.
Биыл алматылық «Қайрат» UEFA Чемпиондар лигасында сынға түссе, «Ақтөбе» Еуропа лигасында, «Ордабасы» мен «Астана» Конференция лигасына қатысады.
Қазақстандық уақытпен 17:00–де «Қайрат» аталған турнирдің бірінші кезеңіндегі қарсыласын анықтайды.
Ал Еуропа лигасының жеребесі 18:00–ге белгіленген. «Ақтөбе» еурокубоктағы жорығын бірінші кезеңнен бастайды.
Сондай-ақ 19:00–де Конференция лигасы бірінші кезеңінің жеребесі белгілі болады. Онда «Ордабасы» жарыстың аталған сатысында қай командамен сынға түсетіні анықталады. «Астана» аталған турнирді екінші кезеңнен бастайды.
Еске салсақ, Клубтар арасындағы ӘЧ: «Челси» алғашқы ойынында жеңіске жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.