АСТАНА. KAZINFORM - Бүгін футзалдан Қазақстан құрамасы Иранмен екінші жолдастық кездесу өткізеді.
Екі құрама арасындағы алғашқы жолдастық кездесуде қазақстандық футзалшылар 4:1 есебімен жеңіске жетті.
Ойын жергілікті уақытпен 19:55-де басталып, «Qazsport» телеарнасынан тікелей эфирде көрсетіледі.
Жиынның қорытынды кезеңі Алматыда 6-10 қыркүйек аралығында болады. Қазақстан құрамасы 8 қыркүйек күні Аргентинамен шеберлік байқасады.
Айта кетсек, биыл әлем чемпионаты 14 қыркүйек пен 6 қазан аралығында Өзбекстанда өтеді. Қарсыластары - Испания, Ливия және Жаңа Зеландия.
Еске салсақ, бұдан бұрын қазақстандық футзалшылар Тәжікстан құрамасымен екі мәрте жолдастық кездесуде 4:3, 3:0 есебімен жеңіске жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.