Бүгін Қазақстанда жел күшейіп, жаңбыр жауады

АСТАНА. KAZINFORM – 28 қыркүйекте Қазақстанның басым бөлігінде солтүстік циклон мен соған байланысты фронталды бөліктердің әсері сақталады, деп хабарлайды Қазгидромет.

Көптеген өңірлерде жаңбыр жауады, еліміздің оңтүстік-шығысында найзағай күтіледі.

Солтүстікте қатты жаңбыр жауып, ауа температурасы төмендейді. Тек Қазақстанның оңтүстігі мен шығысында жауын-шашынсыз ауа райы болжанған.

- Республика бойынша желдің күшеюі, түнде және таңертең тұман күтіледі.

Сондай-ақ бірқатар аймақта өрт қаупі жоғары болады, - деп жазды синоптиктер.

Жоғары өрт қаупі:

• Батыс Қазақстан облысының солтүстігінде,

• Павлодар облысының шығысында,

• Атырау облысының солтүстік-шығысында,

• Маңғыстау облысының оңтүстік-шығысында,

• Ақтөбе облысының оңтүстігінде.

Төтенше өрт қаупі:

• Түркістан, Қызылорда облыстарында,

• Атырау облысының солтүстігінде, оңтүстігінде, шығысында,

• Жамбыл облысының батысында, солтүстігінде, орталығында,

• Батыс Қазақстан облысының батысында, оңтүстігінде, шығысында,

• Ақтөбе облысының батысында, солтүстігінде, солтүстік-шығысында, орталығында,

• Алматы облысының солтүстігінде,

• Қарағанды, Қостанай, Ұлытау облыстарының оңтүстігінде.

Мамандар азаматтарды ауа райы болжамына назар аударып, қауіпсіздік шараларын сақтауға шақырады.