Бүгін Қызылорда облысында 8 ауылдың әкімі сайланады
ҚЫЗЫЛОРДА. KAZINFORM — Бүгін Қызылорда облысында 8 ауылдың жаңа әкімі белгілі болады.
Фото: Қызылорда облыстық сайлау комиссиясы
Облыстық сайлау комиссиясының мәліметіне сүйенсек, аудандар бойынша Аралда Бөген, Сазды, Қосаман, Қазалыда Алға, Тасарық ауылдық округтерінің тұрғындары өз таңдауын білдіреді.
Фото: Қызылорда облыстық сайлау комиссиясы
Сондай-ақ Қармақшыдағы Т.Көмекбаев және Жалағаштағы Таң, Шиелідегі Телікөл ауылдық округ әкімдерінің сайлауы өткізілуде.
Мұнда барлығы 5880 сайлаушы дауыс беру құқығына ие болып отыр. Бұл бойынша 11 сайлау учаскесі құрылып, 59 комиссия мүшесі қызмет атқаруда.
Фото: Қызылорда облыстық сайлау комиссиясы
Қазалылық Шамарановтар әулеті Тасарық ауылдық округіндегі № 77 сайлау учаскесіне отбасымен ерте келді. Әулеттің үлкені Болатбек Шамаранов шөбересімен бірге өз таңдауын жасады.
Айта кетсек, 8 ауылдық округ бойынша 26 кандидат сайлау бюллетеніне енгізілді. Оның 25-і өзін-өзі ұсыну жолымен, 1-і саяси партия атынан бақ сынауда.
Фото: Қызылорда облыстық сайлау комиссиясы
Еске салсақ, бұдан бұрын тамызда Қызылорда облысында бір күнде аудан және 8 ауыл әкімінің сайлауы өткен еді.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.