АСТАНА. KAZINFORM — Бүгін футзалдан Қазақстан суперкубогы Орал қаласында өтеді
Футзалдан еліміздегі жаңа маусым Орал қаласында өтетін суперкубок матчымен ресми түрде басталады. Онда ел чемпионы алматылық «Қайрат» пен Қазақстан Кубогының иегері «Семей» командалары өзара мықтыны анықтайды.
Бұл кездесудің ерекшелігі футзал тарихында алғаш рет Суперкубок ойыны Батыс Қазақстан облысында өткізіледі. Командалар жаңа әрі заманауи спорт кешенінде шеберлік байқасады.
Былтыр еліміздің суперкубогы финалында «Қайрат» «Семейді» 3:1 есебімен тізе бүктіріп, жеңімпаз атанған еді.
«Қайрат» бұған дейін өз тарихында 11 мәрте суперкубок алған. Алматылық клубтан кейін екі рет «Ақтөберентген» командасы иеленген. Тіпті «Тұлпардың» өзі бұл жүлдені бір-ақ рет жеңген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.