Бүгін түнде Атырауда ауа сапасы нашарлайды
05:20, 25 Сәуір 2024
АСТАНА. KAZINFORM – Синоптиктер 25 сәуірде елімізде болатын метеорологиялық жағдайға болжам жасады.
«Қазгидромет» РМК мәліметінше, түнде Атырау қаласында ауа сапасы біршама нашарлап, метеожағдай жайсыз болады.
Қолайсыз метеорологиялық жағдай – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.