АСТАНА. KAZINFORM - Бүгін Жапония астанасы Токио қаласында дзюдодан Grand Slam турнирі басталады. Екі күнге созылатын жарыста еліміздің атынан 11 спортшы бақ сынайды.
Ел құрамасынан ерлер арасында алты, әйелдерде бес балуан татамиге шығады. Олардың қатарында ерлер құрамасында Дәурен Сүйекенов (60 келі), Шерзад Давлатов (60 келі), Бақытжан Әбдірахманов (73 келі), Жалғас Қайролла (81 келі), Максим Мейірлан (90 келі) және Әділет Сапарғалиев (100 келі) бар. Ал әйелдерде Толғанай Әбеуова (52 келі), Дана Әбдірова (57 келі), Самалай Ерғалиева (63 келі), Назгүл Маратова (78 келі) және Карина Тәкиева (78 келі) сайысқа түседі.
Еске салсақ, бұдан бұрын дзюдодан Қазақстан жасөспірімдер құрамасы Еуропа кубогында озық шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.