Ол қазақстандықтардың өзбекстандық легионері Рафикжон Султонов ресейліктердің тәжікстандық легионері Анвар Юнусовтың жекпе-жегімен басталды. WSB рейтингінде алтыншы орында келе жатқан Анвар өзінен жиырма саты артта келе жатқан Рафикжоннан Астанада кеткен есесін қайтара алды. Одан кейін WSB рейтингінде 25-орында тұрған Ержан Мүсәпіров 1-сатыда тұрған Адлан Абдурашидовтың (61 кг) осал тұсын таба алмады. Мұндай жағдай Қанат Ислам мен Максим Газизов (73 кг) арасындағы кездесуде де қайталанды. Рейтингте 7-орында тұрған Максим 15-сатыда келе жатқан Қанаттан 48:47, 48:47, 48:47 есебімен айласын асырып кетті. Одан кейін қазақстандықтардың 85 келі салмақтағы алжирлік легионері Абдельхафид Бенчабла (WSB - 8) да украиналық Олександр Гвоздиктен (WSB - 11) дәл осындай есеппен жеңіліс тапты. Аса ауыр салмақтағы алжирлік Шуайб Болодинатс (WSB - 4) пен Виталий Кудухов ( WSB - 11) арасындағы ақтық кездесуде техникалық нокаутпен ресейлік кезекті жеңісіне қол жеткізді. Қорытынды есеп 0:5. Енді мамыр айында Лондонда өтетін ақтық финалда Милан мен Мәскеу қаласының командалары кездеспек. Миландықтар да жартылай финалдағы алғашқы кездесуде бакуліктерге 2:3 есебімен ұтылған еді, кеше өз алаңындағы қарымта кездесуде 5:0 есебімен есе қайтара алды.
09:01, 31 Наурыз 2012
Бүкіләлемдік бокс сериясының финалында Милан мен Мәскеу қалаларының командалары кездеспек
АЛМАТЫ. 31 наурыз. ҚазАқпарат - Кеше Мәскеуде Бүкіләлемдік бокс сериясы (WSB) аясында Мәскеудің "Динамосы" мен "Астана арландары" командаларының жартылай финалдық ойындарының қарымта кездесуі өтті.