НҰР-СҰЛТАН. ҚазАқпарат - Каратэ-до шебері Софья Берульцеваның алтын медалінен кейін 2022 жылғы Бүкіләлем ойындарында Қазақстан құрамасы жалпы командалық есепте он төртінші орынға көтерілді, деп хабарлайды ҚазАқпарат тілшісі.
Айта кетсек, бүгін қазақстандық каратэ-до шебері Софья Берульцева Бүкіләлемді ойындарда 68 келіде финалда испаниялық Мария Торрес Гарсиядан басым түсіп, чемпиондық атаққа қол жеткізді .
Аталған медальдан кейін ел құрамасы жалпыкомандалық есепте он төртінші орынға көтерілді. Көш басында Колумбия, Украина, Жапония құрамалары келеді.
Ел құрамасы сапында 16 қазақстандық кикбоксинг, садақ ату, муай-тай, джиу-джитсу, спорттық акробатика, брейкинг, каратэ-до секілді спорттың сегіз түрінен жүлдеге таласады.
Әлемнің 110 елінен келген 3500-ден астам атлет 34 спорт түрінен 223 медаль жиынтығын сарапқа салады.
Бүкәлемдік ойындар 1981 жылдан бастап 4 жылда бір мәрте тұрақты түрде өткізіліп келеді. Айтулы аламан Олимпиада ойындарынан кейінгі жылы жалауын көтереді.
Ол 2001 жылдан бастап Халықаралық Олимпиада комитетінің қолдауымен ұйымдастырылады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.