ӨСКЕМЕН. ҚазАқпарат – Шығыс Қазақстан облысы Самар ауданындағы Бұқтырма су қоймасына батып бара жатқан ер адам құтқарылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, Самар ауданындағы Бұқтырма су қоймасына 40 жастағы азамат батып кете жаздаған.
«Белгілі болғандай, ер адам матраспен жағадан алысқа жүзіп кеткен балаға көмектеспек болды. Кенеттен ол суға бата бастады. Мұны байқаған куәгерлер көмекке ұмтылып, оны судан алып шыққан», - делінген ақпаратта.
Алайда азамат жағада өзін жайсыз сезінді. Сол кезде оған құтқарушы Нұржан Жолжақсынов алғашқы медициналық көмек көрсетті. Қазіргі уақытта ер адам аман-есен.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.