ӨСКЕМЕН. ҚазАқпарат – Шығыс Қазақстан облысындағы Бұқтырма су қоймасында қайықпен жүріп қатты дауылдан жағаға қайта алмай қалған 4 адамға құтқарушылар көмекке келді, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, оқиға 12 тамызда таңертең болды.
«Бұқтырма су қоймасындағы «Аюда» демалыс базасында 4 адам, оның ішінде 1 бала қайыққа отырып, суға жүзіп кеткен. Кенет ауа райы күрт бұзылып, дауыл соқты. Соның салдарынан жағаға қайта алмай қалған демалушылар «112» нөміріне қоңырау шалып, көмек сұрады», - деп хабарлады ведомство өкілдері.
Көп ұзамай оларға көмекке сол базада жұмыс істейтін 2 құтқарушы келіп жетті. 4 адам моторлы қайықпен жағаға аман-есен жеткізілген.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.