— Бұл Ресей мен Украина үшін тамаша күн шығар! Осы бітпейтін «қанды қырғын» аяқталса, жүздеген мың адамның өмірі сақталып қалатыны туралы ойланыңыз. Мен мұның болуын қамтамасыз ету үшін екі жақпен де жұмысты жалғастырамын. АҚШ қалпына келтіру мен саудаға назар аударғысы келеді. Алда маңызды апта! — деп жазды Дональд Трамп Truth Social-да.
Трамп қақтығысушы тараптардың кездесуі бейсенбі күні Түркияда өтуі мүмкін екенін хабарлады.
— Ресей президенті Путин Украинамен атысты тоқтату туралы келісім жасағысы келмейді, керісінше, қантөгісті тоқтату мүмкіндігі туралы келіссөз үшін бейсенбі күні Түркияда кездескісі келеді. Украина бұған дереу келісім беруі керек, — деп пікір білдірді АҚШ президенті.
Америкалық көшбасшы атап өткендей, бұл кездесу еуропалық көшбасшылар мен АҚШ-тың тиісті түрде әрекет етуі үшін «мәміленің мүмкін болу-болмауын» және «істің қалай жүріп жатқанын» көрсете алады.
Бұл ретте Трамп Украинаның Ресеймен келіссөз жүргізетініне күмән келтірді.
— Украинаның Путинмен мәмілеге келетініне күмәндана бастадым, — деді ол, бірақ дауласушы тараптарға: Кездесуді дәл қазір бастайық!!! — деп үндеу тастады.
Бұған дейін Путин Украинаға алдын ала шартсыз келіссөздерді қайта бастау жөнінде ұсыныс жасады.