ОРАЛ. 31 наурыз. ҚазАқпарат /Елжан Ералы/ - Бұл сайлаудың барша қазақстандықтар үшін орны бөлек. Оның маңызы да зор.
Біз еліміздің болашағы үшін дұрыс таңдау жасауымыз керек. Бұл туралы Тасқала аудандық аумақтық сайлау комиссиясының төрағасы Жәрдемғали Балықов мәлім етті.
Оның айтуынша, аудандағы 29 сайлау учаскесі сайлауды өткізуге дайын. Сайлау өткізетін орындар керек-жарақтармен толықтай қамтамасыз етілген. Байланыс телефондары орнатылды. Қазір ауа райының қолайсыздығына қарамастан, жолдар тазаланып, бола келді. Қыстақтарға да жол аршылуда. Барлық округтермен байланыс жақсы. Қыстақтарға апарылатын жәшіктер де әзір тұр.
«Сайлау күні аудан бойынша 12040 адам дауыс бере алады. Барлық тұрғындар сайлау барысынан хабардар. Сондықтан олар өз құқығын пайдаланып, сайлауға қатысады деп сенеміз», - деді Ж.Балықов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).