Ақмола облыстық ТЖД баспасөз қызметінің мәліметінше, оқиға шілденің 9-да Кіші шабақты көлінде болған.
«Кіші шабақты көлінде үрлемелі матраспен жүзу кезінде 9 жасар баланы толқын алып кеткен. Сағат 14:05 ата-анасы құтқарушыларға хабарласып, көмек сұраған. Арада бірер сағат өткен кезде құтқарушылар катермен балаға жетіп, оны жағаға алып шықты. Баланың үсітнде құтқару кеудешесі болмаған. Кейін белгілі болғандай бала Бурабайға ата-анасымен Ресейден демалуға келген», дейді ведомство өкілдері.
Құтқарушылар суға шомылған кезде қауіпсіздік шараларын қатаң сақтауға шақырады. Сондай-ақ, ата-аналарға су қоймаларында баланы бақылаусыз қалдырмауды ескертеді.