КӨКШЕТАУ. ҚазАқпарат - Ақмола облысы аумағында «Нұр-Сұлтан-Щучье» тас жолының бойында бірнеше көлік соғылып қалды, деп хабарлайды ҚазАқпарат «ҚазАвтоЖол» ҰК« АҚ-ның баспасөз қызметіне сілтеме жасап.
«Нұр-Сұлтан-Щучье» тас жолы ақылы учаскесінің 244 шақырымында жол көлік оқиғасы тіркелді. Жолды қардан тазалайтын 4 бірлік арнайы техниканың соңынан қозғалған Газель автокөлігінің жүргізушісі қауіпсіз ара қашықтықты сақтамай КамАЗ-ға соғылды. Тойота Эстима маркасындағы автокөлік жүргізушісі жылдам әрекет ете алмай, аталған Газельге соғылды. Бір адам жарақат алып, ауруханаға жеткізілді»,- дейді «ҚазАвтоЖол» ҰК« АҚ-ның әлеуметтік желідегі парақшасында.
Оқиғаның мән-жайы анықталуда.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.