Бурабай ұлттық саябағында сұр құтан камераға түсіп қалды

АСТАНА.KAZINFORM — Бұл құс — су экожүйеcінің «визиттік карталарының» бірі, таза және қорғалатын су айдындарының символы, деп хабарлайды Kazinform тілшісі. 

«Бурабай» ұлттық паркінің баспасөз қызметі саябақ камерасы су экожүйелерінің ең танымал құстарының бірі — сұр құтанды түсіріп алған. Бұл ірі құстар саябақ көлінде кездеседі әрі аумақтың бай биоәртүрлілігінің дәлелі.

— Сұр құтанның биіктігі бір метрге дейін, ал қанаты 1,7 метрге дейін жетеді. Құстың ерекше белгілері — ұзын мойын, өткір тұмсық және ақ және қара дақтары бар сұр қауырсын. Құс су қоймаларының жанында отырықшы өмір салтын жүргізеді, ол балықтарды, қосмекенділерді, ұсақ кеміргіштерді және жәндіктерді аулайды.

Бүгінгі таңда Бурабай ұлттық паркінің аумағында құстардың 221 түрі, жануарлардың 48 түрі, жәндіктердің 179 түрі, бауырымен жорғалаушылардың 4 түрі және қосмекенділердің 2 түрі мекендейді.

Бұған дейін Бурабай ұлттық паркіне кіру тарифі өзгергенін хабарлаған едік.