Бурабайда 127 мүгедек балғынға мектепке қажетті құрал-жабдықтар табысталды
09:27, 21 Қыркүйек 2010
КӨКШЕТАУ. Қыркүйектің 21-і. ҚазАқпарат /Жанмұрат Жанайдаров/ -Ақмола облысына қарасты Бурабай ауданында орналасқан «Приозерный» балалар сауықтыру орталығында өңірдегі 127 мүгедек балғынға бірінші сыныпқа баруға қажетті мектеп құрал-жабдықтары,
киім-кешектер табысталды.
Осылайша жаңа оқу жылында «Ақмола облысы бойынша мүгедек балалар қауымдастығы» қоғамдық бірлестігінің ұйытқы болуымен сегізінші рет қолға алынып отырған іс-шара барысында аймақтың барлық аудандары мен қалаларынан келген балғындарға сый-құрмет көрсетілді. Олар бір күн бойы көрікті Бурабай аймағын аралап, табиғат сұлулығын, мұндағы тарихи-өлкетану жәдігерлермен танысты. Кездесу аясында көркемсурет, мәнерлеп өлең оқу, ән айтып, би билеуден сайысқа түсті.