КӨКШЕТАУ. ҚазАқпарат - Ақмола облысының Бурабай ауданында 5 адам көмірқышқыл газынан уланды. Оның 3-уі көз жұмса, 2-уі ауыр халде ауруханға түсті, деп хабарлайды ҚазАқпарат тілшісі.
Қайғылы оқиға 28 ақпанда Бурабай ауданында болған.
«Щучье көлінде балықшылар тіккен шатырдың ішінде 1975, 1980 және 1983 жылғы үш ер адамның денесі табылды. Алдын ала мәлімет бойынша, адамдар көмірқышқылы газынан уланған. Сонымен қатар, тағы екі адам ауыр халде Бурабай аудандық ауруханасының жансақтау бөліміне жатқызылды. Қазіргі кезде, соттық-медициналық сараптама тағайындалып, оқиғаның мән-жайын анықталуда», - деді ІІД баспасөз хатшысы Гүлнәр Пинчук.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.