БУРАБАЙ. ҚазАқпарат – Ақмола облысының Бурабай ауданында із-түзсіз жоғалған әйел өлі күйінде табылды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.
Ведомствоның дерегі бойынша, Жарқайың ауылының 1975 жылы туған тұрғыны 26 қыркүйек белгісіз жағдайда жоғалып кеткен.
«Іздестіру жұмыстарына ТЖД жеке құрамынан 14 қызметкер және 1 техника, Бурабай аудандық ПБ жеке құрамынан 10 қызметкер және 2 техника жұмылдырылды. Бурабай аудандық ПБ қызметкерлері сағат 13:00 Жарқайың ауылынан 7 шақырым жерден әйелдің денесін тапты. Қазіргі кезде, соттық медициналық сараптама тағайындалды», -деді департамент.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.