АСТАНА. KAZINFORM — Түркияның Бурса қаласында оқу-жаттығу ұшағы апатқа ұшырады. Салдарынан ұшақты басқарған 2 ұшқыш мерт болды. Бұл туралы TRT Haber агенттігі хабарлады.
Басылымның мәліметінше, бүгін, 23 қыркүйекте Бурсаның Энишехир ауданында оқу-жаттығу кезінде ұшақ апатқа ұшырап, жантүршігерлік оқиға болған.
Апат салдарынан ұшақта болған нұсқаушы ұшқыштар қаза тапты.
Басылым қаза тапқан ұшқыштардың есімін жария етті. Олар — 61 жастағы Юнал Астер мен 42 жастағы Эмир Гулал Налжи.
Оқиға орнына жедел жәрдем, өрт сөндіру және полиция қызметі шұғыл жеткені аталып өтті.
Билік оқиғаның себебін анықтау үшін тергеу жұмыстарын бастағанын мәлімдеген.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы