Қазақстанның басым бөлігіне атмосфералық фронттар әсер етеді.
Салдарынан жаңбыр жауады, оңтүстіктің таулы аудандарында және солтүстікте қатты жауын-шашын жауады.
Республика бойынша жел күшейеді, солтүстікте тұман түсіп, оңтүстікте найзағай ойнайды, бұршақ жауып, дауыл тұрады.
Түнде Ақмола облысының солтүстігінде, оңтүстігінде, күндіз басым бөлігінде жел 15-20, күндіз солтүстігінде, шығысында екпіні 23 м/с, солтүстік-батысында, шығысында тұман түседі.
Қарағанды облысында жел екпіні 25 м/с дейін күшейеді.
Солтүстік Қазақстан облысында күндіз жел қарқыны 25 м/с жетеді.
Алматы облысының таулы аудандарында бұршақ жауып, дауыл соғады. Найзағай кезінде желдің күші - 17-22 м/с. Алакөл аумағында жел 25 м/с дейін күшейеді.
Жамбыл облысының таулы аудандарында бұршақ жауып, дауыл тұрады.
Шығыс Қазақстан облысының солтүстік-батысында, солтүстігінде жел екпіні - 15-20 м/с.
Павлодар облысының оңтүстігінде секундына 15-20 метр жылдамдықпен күшті жел тұрады.
Қостанай облысының солтүстік жартысында тұман түседі, күндіз солтүстікте, шығыста жел қарқыны 15-20 м/с жетеді.
Түнде және таңертең Маңғыстау облысының батысында желдің күші - 15-20 м/с.
Батыс Қазақстан облысының солтүстігінде жел екпіні 15-20 м/с дейін күшейеді.
Батыс Қазақстан облысының оңтүстігінде, Ақтөбе облысының солтүстігінде, орталығында төтенше өрт қаупі сақталады.