ТАШКЕНТ. KAZINFORM – Алдағы 76 жылда Өзбекстан халқының саны 74,2 млн адамға жетуі ықтимал. Мұндай болжам БҰҰ-ның «Әлем халықтарының болашағы» баяндамасында жасалған, деп хабарлайды Kazinform агенттігінің Ташкенттегі меншікті тілшісі Әлихан Асқар.
БҰҰ-ның болжамына сай, алдағы 2100 жылдың 1 шілдесінде Өзбекстан халқының орташа жасы 39-ға теңеледі. Осы кезеңде бұл елде 36,8 млн әйел мен 37,4 млн ер адам тұратын болады.
Статистика агенттігінің 17 шілдедегі мәліметінше, Өзбекстандағы тұрақты тұрғындарының саны 37 165 211 адам.
Еске салайық, биыл сәуірде Өзбекстан халқының саны 37 миллионнан асты.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.