Алайда Сингапур туристік бюросының мәліметтері бойынша туристерден түскен пайда 2012 жылғы көрсеткіштен 400 млн. долларға ғана өсіп, барлығы 23,5 млрд. долларға жеткен. Бұл - 2009 жылдан бергі ең аз табыстардың бірі.
Айта кетейік, кіп-кішкентай Сингапур мемлекеті әлемдегі теңіз және әуе жолдары түйісетін негізгі нүктелердің бірінде орналасқан. 2012 жылғы деректер бойынша, ондағы «Чанга» халықаралық әуежайын пайдаланушылар саны ол салынған 30-дан астам жылдан бері бірінші рет 51,2 миллион адамға жеткен. Бұл 2011 жылғы көрсеткіштен 10 пайызға жоғары. Халқының саны 5 миллионнан енді асқан қала-мемлекеттің әуежайын пайдаланушылар небары 3 жыл бұрын 40 млн. адам болғанын ескерсек, бұл - үлкен жетістік.