Бұл туралы Бірыңғай жинақтаушы зейнетақы қоры Kazinform сауалына берген жауабында айтқан.
БЖЗҚ мәліметінше, көрсетілген кезеңде қор салымшыларынан зейнетақы жинақтарын ИПБ-ге басқарту туралы шамамен 39,87 мың өтініш қабылданған. Соның ішінде шамамен 10,5 мың өтініш иесі жинақтың толық көлемін жеке басқарушының сенімгерлік басқаруына беруді сұраған. Бұл барлық өтініштердің 26,3 пайызына тең. Ал мұндай өтініштерде көрсетілген сома жалпы ИПБ-ге сұратылған 69,07 млрд теңгенің шамамен 40,8 пайызын алып тұр (28,2 млрд теңге).
Осылайша, алғашқы 15 күнде өтініш түсірген әрбір төртінші салымшы зейнетақы жинағын түгел ИПБ басқаруына беруге ниет білдірген.
БЖЗҚ бұл сомалардың әзірге нақты аударылған қаражат екенін еске салады. Қордың жауабында өтінішті қарау және қаражатты ИПБ-ға аудару мерзімі 30 күнтізбелік күн екені көрсетілген.
Бұған дейін БЖЗҚ жинағын түгел жеке басқарушыларға бергісі келетін қазақстандықтар нені білу керек екенін жазған едік.