СЕМЕЙ. ҚазАқпарат - Семей қаласы Шүлбі кентіндегі көпқабатты үйдің пәтерінде өрт шығып, бір адам қаза тапты, деп хабарлайды ҚазАқпарат.
Қалалық Төтенше жағдайлар бөлімі баспасөз қызметінің хабарлауынша, оқиға 13 ақпан күні түн жарымында болған.
«Төртінші қабаттағы пәтерде еден мен жеке заттар өртенген. Өрт сөндірушілер тілсіз жауды ауыздықтау үшін бірден оқиға орнына аттанды. Алайда 69 жастағы үй иесін құтқара алмады», - делінген ведомство мәліметінде.
Өрт шығу себебінің екі нұсқасы қаралуда, атап айтқанда шылым шегу немесе отты абайсыз қолдану.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.