АСТАНА. ҚазАқпарат – Иордания астанасы Амман қаласында бокстан өтіп жатқан Азия чемпионатында Cерік Теміржанов күміс медаль алды, деп хабарлайды ҚазАқпарат тілшісі.
Құрлықтық додада 57 келіде сынға түскен Cерік Теміржанов финалда өзбекстандық Абдумалик Халоковке есе жіберді.
Айта кетсек, бұдан бұрын ел құрамасынан Санжар Тәшкенбай (48 келі) жапониялық Аратаке Кадзумадан басым түсті. Осылайша, ол Азия чемпионы атанды.
Ал, Сәкен Бибосынов (51 келі) өзбекстандық Хасанбой Дусматовтан жеңіліп қалды. Нәтижесінде күміс медальді қанағат тұтты.
Айта кетсек, 2021 жылы Сербия астанасы Белград қаласында өткен әлем чемпионатында Сәкен аталған қарсыласын қапы қалдырып кеткен болатын.
Енді ел құрамасынан тағы алты боксшы алтын медаль үшін шаршы алаңға шығады.
Фото: sports.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.