Чехияда 3-4 қазанда парламенттік сайлау өтеді

АСТАНА. KAZINFORM — Президент Петр Павелдің бұл туралы шешімі 15 мамырда Заңдар жинағында жарияланды, деп хабарлайды АЗЕРТАДЖ.

Осылайша, сайлау науқаны ресми басталды. Бұл партиялар, қозғалыстар және олардың коалициялары үшін белгілі міндеттемелерді талап етеді. Олардың барлық үгіт-насихат жұмысы заңмен белгіленген 90 млн крон (3,6 млн евро) лимитіне сәйкес есептеледі. 15 мамырдан бастап бес күн ішінде, яғни 19 мамырға дейін сайлауға қатысушы бірлестіктер ашық сайлау есепшотын ашуы, оған өз сайттарында қолжетімділікті қамтамасыз етуі және саяси партиялар мен қозғалыстарды қаржыландыруды бақылау басқармасына есепшотқа рұқсат беруі тиіс.

Ішкі істер министрлігі өз сайтында алдағы парламенттік сайлауға қатысты олардың қауіпсіз әрі сенімді өтуі үшін белсенді жұмыс істеп жатқанын хабарлады. Атап айтқанда, киберқауіпсіздікті қамтамасыз ету үшін арнайы техникалық бөлімше құрылды. Ол ақпараттық жүйелерге күшейтілген бақылау, сайлауға қатысты веб-сайттарды мониторингілеу және байланыс ақауларына дайындықты ұйымдастыруды қамтитын іс-шаралар жоспарын әзірлейді.

Осыдан бұрын Еуропалық Одақ азаматтары Чехияның саяси партияларына мүше бола алатыны хабарланды.