Чехияда оқ-дәрі өндіретін зауытта жарылыс болды

АСТАНА. KAZINFORM – Прага қаласынан шығысқа қарай 135 км қашықтықта орналасқан Поличка қаласы маңындағы металл өңдеу және оқ-дәрі өндіру зауытының қоймасында жарылыс болды, деп хабарлайды dw.com.

Құтқару қызметінің хабарлауынша, кем дегенде бір адам ауыр жарақат алып, тікұшақпен ауруханаға жеткізілді.

Полиция оқиға болған жерді қоршап, көшелерді жауып тастады, зауыттың барлық қызметкері эвакуацияланды. Алдын ала мәліметтерге сілтеме жасаған компания өкілі жарылыстың ең ықтимал себебі өндіріс процесіндегі техникалық қателік болғанын айтты. 

БАҚ мәліметінше, жарылыс тротил (тринитротолуол) жарылғыш заты сақталған STV Invest холдингінің қоймасында болған. Бұдан басқа Поличка маңындағы зауыт артиллериялық оқ-дәрі шығарылады. Компания жаяу әскердің ескі жауынгерлік машиналарын, танкілер мен гаубицаларды жөндеу және жаңартумен айналысады, ал азаматтық секторда автобустардың есік жүйелеріне маманданған.

Айта кетелік Оңтүстік Кореяда орман өрті салдарынан кемінде 18 адам қаза тапқан еді.