АСТАНА.KAZINFORM - Футболдан әйелдер арасындағы UEFA Чемпиондар лигасы бірінші іріктеу кезеңінде қазақстандық «Ақтөбе» алғашқы ойынын өткізді.
Ақтөбелік клуб жарыстың аталған сатысында Италияның «Рома» клубымен шеберлік байқасты. Кездесу барысында қазақстандық команда қарсыласына 0:2 есебімен жол берді. Енді олар «Спарта» (Прага, Чехия) мен «Норшелланн» (Фарум, Дания) жұбының жеңімпазымен ойнайды.
Ал «Рома» аталған жұптың жеңімпазымен жасыл алаңға шығады. Екі ойын да 30 тамызға белгіленген.
Ал «Ақтөбе» 2014 жылдан бері ел біріншілігінде бақ сынап жүр. 2024 жылы күміс жүлдегер атанса, 2018 жылы қола медаль алған еді. Биыл еурокубок ойындарына алғаш рет қатысып отыр.
Айта кетсек, бұдан бұрын Чемпиондар лигасы: БИІК әйелдер клубы «Катовице» командасынан жеңілді.
Финал 026 жылдың мамыр айында Норвегия астанасы Осло қаласындағы «Уллевол» стадионында өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.