АСТАНА. KAZINFORM - Футболдан алматылық «Қайрат» командасының UEFA Чемпиондар лигасы іріктеу кезеңіндегі ықтимал қарсыластары анықталды.
UEFA регламенті бойынша «Қайрат» еленген топқа түсті.
Аталған турнирдің жеребе тарту рәсімі 22 маусымда өтеді. Бірінші іріктеу кезеңі 8-9, 15-16 шілде күндері болады.
Алматылық клубтың ықтимал қарсыластары қатарында Болгарияның «Лудогорец», Словенияның «Олимпия», Швецияның «Мальме», Литваның «Жальгирис», Латвияның РФС, Финляндияның КуПС, Гибралтардың «Линкольн», Косовоның «Дрита», Исландияның «Брейдаблик», Солтүстік Ирландияның «Линфильд», Черногорияның «Будучност» және зге де клубтар бар.
Былтыр «Қайрат» ел біріншілігінде чемпион атағын жеңіп алды. Ал Куок иегері «Ақтөбе» еуропа лигасында сынға түссе, «Астана» мен «Ордабасы» Конференция лигасында ел намысын қорғайды.
Еске салсақ, бүгін Еуропа лигасы финалында «Тоттенхэм» мен «Манчестер Юнайтед» кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.