НҰР-СҰЛТАН. ҚазАқпарат - Елордалық «Астана» командасының UEFA Чемпиондар лигасындағы алғашқы кездесуін қай телеканалдан көрсетілітіні белгілі болды, деп хабарлайды ҚазАқпарат тілшісі.
Айта кетсек, «Астана» жарысты аталған турнирдің бірінші іріктеу кезеңінен бастайды. Қарсыласы - Беларусьтің «Динамо» (Брест) командасы. Ойын 18 тамыздан 19 тамызға қараған түні елорда уақытымен 00.00-де басталады.
«Динамо» (Брест) 1960 жылы құрылған. Өткен жылы өз тарихында тұңғыш рет Беларусь чемпионы атанды. Сондай-ақ, 1992 жылы өз елінде қола жүлдегер болды.
Естеріңізге сала кетелік, жарыстың аталған сатысындағы жеңімпаз бір ғана ойын арқылы анықталады. Жеңімпаз Чемпиондар лигасының екінші сатысына жолдама алады. Жеңілгені Еуропа лигасының екіншісі сатысында бақ сынайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.