АСТАНА. ҚазАқпарат - Сәуірдің 12-нен 13-не қараған түні футболдан UEFA Чемпиондар лигасы ширек финалында тағы екі ойын өткізіледі, деп хабарлайды ҚазАқпарат тілшісі.
Екі ойынның бірінде «Милан» (Италия) мен «Наполи» (Италия) кездеседі.
Кездесу елорда уақытымен 0.50-де басталып, «Qazaqstan» телеарнасынан тікелей эфирде көрсетіледі.
Екі команда бұған дейін 152 мәрте кездесті. Оның 42-де «Наполи», 57-де «Милан» жеңіске жетсе, қалғаны тең аяқталды.
Тағы бір кездесуде «Реал Мадрид» (Испания) пен «Челси» (Англия) командалары шеберлік байқасады.
Кездесу елорда уақытымен 0.50-де басталып, «Qazsport» телеарнасынан тікелей эфирде көрсетіледі.
Екі команда бұған дейін 9 мәрте кездесті. Оның үшеуінде «Реал Мадрид», төртеуінде «Челси» жеңіске жетсе, қалғаны тең нәтижемен аяқталды.
Финал 10 маусымда Түркияның Ыстанбұл қаласындағы Ататүрік атындағы Олимпиадалық стадионда болады.
Еске салсақ, бұдан бұрын «Манчестер Сити» «Баварияны» ірі есеппен жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.