НҰР-СҰЛТАН. ҚазАқпарат - Футболдан UEFA Чемпиондар лигасы финалына жолдама алған алғашқы команда анықталды, деп хабарлайды ҚазАқпарат тілшісі.
Жартылай финалдың алғашқы жұбында «Вильярреал» (Испания) мен «Ливерпуль» (Англия) шеберлік байқасты.
Бірінші ойында ағылшындық клуб 2:0 есебімен басым түскен болатын.
Қарымта кездесуде «Вильярреал» жанкүйерлер көңілінен шығуға барын күшін салды.
Нәтижесінде бірінші кезеңнің 3-минутында Булай Диа гол соқса, 41-минутта Франсис Коклен испаниялық клубтығ басымдығын арттырды.
Екінші кезеңде «Ливерпуль» қатарынан Фабиньо 62, Луис Диас 67, Садио Мане74-минуттарда мергендік танытты.
Осылайша «Ливерпуль» қарсыласынан 3:2 есебімен басым түсіп, финалға жолдама алды.
Енді олар финалда 28 мамырда «Реал Мадрид» (Испания) мен «Манчестер Сити» (Англия) жұбының жеңімпазымен кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.