НҰР-СҰЛТАН. ҚазАқпарат - Испанияның «Реал Мадрид» клубы футболдан UEFA Чемпиондар лигасында рекорд жаңартты. Ол өзінің тарихына аталған турнирдің жартылай финалына 14 мәрте шығып отыр, деп хабарлайды ҚазАқпарат тілшісі.
Испандық клуб 14 сәуірде сырт алаңда Англияның «Ливерпуль» клубымен 0:0 есебімен тең ойнады. Алғашқы кездесуде «Реал Мадрид» 3:1 есебімен тізе бүктірген еді. Екі ойынның нәтижесімен испандық клуб жартылай финалға шықты.
Кеше тағы бір кездесуде Германияның «Боруссия Дортмунд» командасы өз алаңында «Манчестер Сити» клубына 1:2 есебімен есе жіберді. Неміс футболшылары дәл сол есеппен апта бұрын да жеңіліп қалған болатын.
Енді 27 сәуір мен 4 мамырда «Манчестер Сити» мен «Пари Сен -Жермен» (Франция), «Челси» (Англия) мен «Реал Мадрид» командалары шеберлік байқасады.
Финал 29 мамырда Түркияның Ыстанбұл қаласындағы «Ататүрік» олимпиадалық стадионында өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.