НҰР-СҰЛТАН. ҚазАқпарат - UEFA Чемпиондар лигасы 1/8 финалында тағы екі ойын өткізілді, деп хабарлайды ҚазАқпарат тілшісі.
Алғашқы жұпта Португалияның «Порту» клубы Италияның «Ювентусын» 2:1 есебімен сүріндірді. Бұл ойында португалиялық команда сапынан Мехди Тареми 2, Мусса Марега 46-минуттарда мергендігімен көзге түсті. Оған «Ювентус» сапынан 82-минутта Федерико Кьеза бір голмен жауап қайырды.
Испанияның «Севильясы» өз алаңында Германияның «Боруссия Дортмунд» клубынан 2:3 есебімен жеңіліп қалды. Алаң иелері қатарынан Сусо 7, Люк де Йонг 84 минуттарда қақпаны дәл көздеді. Ал неміс клубынан Люк Эрлинг Холанд 27, 43-минуттарда қос голдың авторы атанса, тағы бір голды Махмуд Дауд соқты.
Естеріңізге сала кетелік, бұдан бұрын Чемпиондар лигасында тағы екі ойын өткізілген еді.
Сондай-ақ, бүгін UEFA Еуропа лигасының 1/16 финалының алғашқы ойындары болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.