Бачелет бұл туралы Instagram желісінде жарияланған бейнежазбада айтты.
— Бүгін БҰҰ Бас хатшысы лауазымы үшін күресті жалғастырмау туралы шешім қабылдағанымды жариялаймын, — деді ол.
Бачелет кандидатурасын ұсынғаны және қолдау көрсеткені үшін Бразилия президенті Луис Инасиу Лула да Силва мен Мексика президенті Клаудия Шейнбаумға алғыс білдірді.
— Мен бұл үлкен сынақты қабылдағаныма өкінбеймін. Біз келесі Бас хатшы Латын Америкасынан шыққан әйел, шын мәнінде тәуелсіз әрі Ұйым Жарғысының қағидаттарына адал адам болуы керек деген ұстанымның жаһандық деңгейде орнығуына өз үлесімізді қостық. Ол мемлекеттердің көлемі мен қуатына қарамастан, осы қағидаттарды олардың алдында табанды түрде қорғауы тиіс, — деді ол.
Қазір БҰҰ Бас хатшысы лауазымына Халықаралық атом энергиясы агенттігінің (МАГАТЭ) бас директоры Рафаэль Гросси (Аргентина), БҰҰ Сауда және даму жөніндегі конференциясының (ЮНКТАД) бас хатшысы Ребека Гринспан (Коста-Рика), Сенегалдың бұрынғы президенті Маки Саль, Эквадордың бұрынғы сыртқы істер министрі әрі бұрынғы қорғаныс министрі Мария Фернанда Эспиноса Гарсес, Гайананың БҰҰ жанындағы тұрақты өкілі Каролин Родригес-Биркетт және Эквадордың АҚШ пен Франциядағы бұрынғы елшісі Ивонн Баки үміткер болып отыр.
Айта кетейік, БҰҰ Бас Ассамблеясы Фолькер Тюрктің өкілеттік мерзімін ұзартты.