Д. Іңкәрбаев ҚР Президенті Іс басқарушысының бірінші орынбасары болып тағайындалды

АСТАНА. 24 қаңтар. ҚазАқпарат - Мемлекет басшысы Нұрсұлтан Назарбаевтың Өкімімен Д.Қ. Іңкәрбаев Қазақстан Республикасы Президенті Іс басқарушысының бірінші орынбасары қызметіне тағайындалды және бұрынғы атқарған қызметінен босатылды.

Бұл туралы Ақорданың баспасөз қызметінен мәлім етті.

Іңкәрбаев Дабыр Қамысбайұлы 1950 жылғы 16 маусымда Қырғыз КСР Фрунзе облысында туған.

1980 жылы Қарағанды кооперативтік институтын «сауда экономикасы» мамандығы бойынша бітірген.

Еңбек жолын 1968 жылы Жамбыл облысының «Алмалы» совхозында жұмысшы болып бастаған.

1975 - 1984 жылдары - Қазақ тұтынушылар одағында инженер, жетекші нұсқаушы, қоғамдық тамақтану бөлімінің бастығы.

1984 - 1985 жылдары - Қазақ КСР Сауда - өнеркәсіп палатасының президиумы төрағасының орынбасары.

1985 - 1988 жылдары - Қазақстан коммунистік партиясының Орталық комитеті сауда және тұрмыстық қызмет көрсету бөлімінің инструкторы.

1988 - 1994 жылдары - Қазақ КСР Сауда министрінің орынбасары.

1994 - 2003 жылдары - «Казахювелир» РМК басқарушысы, «Казахювелир» АҚ президенті.

2003 жылдың қараша айынан бастап Қазақстан Республикасы Президенті Іс басқарушысының орынбасары.

«Құрмет» орденіменм, «Ерен еңбегi үшiн» медалімен марапатталған.